మనం సాధారణంగా ఆలయాలకు వెళ్లినప్పుడు లేదా ఇంట్లో పూజలు చేసినప్పుడు దేవుడిని మనసులో కోరుకుని, ఆ కోరికలను త్వరగా నెరవేర్చమని వేడుకుంటాం. అయితే కొందరు తాము ఏం కోరుకున్నామో ఇతరులతో పంచుకుంటూ ఉంటారు. కానీ, దేవుడి ముందు కోరుకున్న కోరికలు నెరవేరే వరకు ఎవరికీ చెప్పకూడదని మన పెద్దలు చెబుతుంటారు. దాని వెనుక ఉన్న అసలు కారణాలు మరియు ఆంతర్యం ఏమిటో ఇప్పుడు చూద్దాం.
ప్రధాన కారణాలు:
- చుట్టూ ఉండే వారి మానసిక స్థితి: మనం దేవుడిని కోరుకునే కోరికలు సాధారణంగా చాలా పెద్దవిగా ఉంటాయి. అది ధనసంపాదన కావచ్చు, మంచి పదవి కావచ్చు, ఉద్యోగం కావచ్చు లేదా మరేదైనా ముఖ్యమైన కోరిక కావచ్చు. వీటిని ఇతరులకు చెబితే.. పైకి సంతోషంగా ఉన్నట్లు నటించినా, లోలోపల అవి నెరవేరకూడదని కోరుకునేవారే ఎక్కువ మంది ఉంటారు.
- వ్యతిరేక శక్తి ప్రభావం: ఎదుటివారి విజయాన్ని లేదా వారు కోరుకున్నది సాధించడాన్ని మనస్పూర్తిగా కోరుకునేవారు చాలా తక్కువ మంది ఉంటారు. ఇతరుల ఈర్ష్య, అసూయ వంటి ప్రతికూల ఆలోచనలు మనం చేసే ప్రయత్నాలపై ప్రభావం చూపవచ్చని ఆధ్యాత్మికంగా చెబుతుంటారు.
- లక్ష్య సాధనలో ఏకాగ్రత: మన కోరికను ఇతరులకు చెప్పినప్పుడు కలిగే అనవసరమైన చర్చలు లేదా అభిప్రాయాలు మన లక్ష్యంపై దృష్టిని మళ్ళించవచ్చు. అందుకే కోరిక నెరవేరే వరకు గోప్యంగా ఉంచడం మంచిది.
ఈ కారణంగానే భగవంతుడికి, మనకు మధ్య ఉన్న ప్రార్థనను కోరిక నెరవేరే వరకు ఎవరితోనూ పంచుకోకూడదని పెద్దలు సూచించారు.
Leave a Reply