ఈ శతాబ్దంలోనే అత్యంత అరుదైన సూర్యగ్రహణం?

• పట్టపగలే ఆకాశంలో సూర్యుడు కనిపించడు..
• ఆరున్నర నిమిషాల పాటు ప్రపంచమంతా చీకటి..
• శతాబ్దానికి ఒకసారి వచ్చే సుదీర్ఘ, సంపూర్ణ సూర్యగ్రహణం..
• పట్ట పగలే చిమ్మచీకట్లు కమ్ముకుని, ఉష్ణోగ్రతలు తగ్గనున్నాయి..
• దాదాపు ఆరున్నర నిమిషాల పాటు సూర్యుడు ఆకాశంలో మాయమవుతాడు.
• రాత్రివేళ కనిపించే నక్షత్రాలు పగటిపూట కనిపించనున్నాయి..
• 21st సెంచరీలో ఇటువంటి సూర్య గ్రహణం ఏర్పడటం ఇదే ఫస్ట్‌టైమ్‌..
• అంటే.. 100 ఏళ్లలో ఇది అరుదైన ఖగోళ సంఘటన
• ఒకరకంగా చెప్పాలంటే భూగోళం ఆగిపోయిందా? అన్న అనుభూతి కలుగనుంది..

ఆగస్టు 2, 2025న ఈ శతాబ్దంలోనే అరుదైన, సంపూర్ణ సూర్యగ్రహణం సంభవిస్తుందని.. భూమి మొత్తం 6 నిమిషాల పాటు అంధకారంలో మునిగిపోతుందని సోషల్ మీడియాలో ఓ వార్త వైరల్‌ అవుతోంది. ‘గ్రేట్ నార్త్ ఆఫ్రికన్ ఎక్లిప్స్’ అని పిలిచే ఈ అద్భుతమైన సూర్యగ్రహణం కోసం ఖగోళ ప్రియులు ఆసక్తిగా ఎదురుచూస్తుంటే.. మరో పక్క ఈ సూర్యగ్రహణం అత్యంత ప్రమాదకరమైందని కొందరు ఆందోళన చెందుతున్నారు. ఇంతకీ, ఆగస్టు 2న అరుదైన సంపూర్ణ గ్రహణం రాబోతోందా? ప్రపంచం మొత్తం పట్టపగలే చీకటిమయం కానుందా? సోషల్ మీడియాలో విపరీతంగా వైరల్ అవుతున్న ఈ వార్తల్లో వాస్తవమెంత? శాస్త్రవేత్తలు ఏమంటున్నారు? డీటెయిల్‌గా తెలుసుకుందాం.

నిజమే..ఈ శతాబ్దపు సంపూర్ణ, సుదీర్ఘ సూర్యగ్రహణం మరో 19 నెలల్లో సంభవించనుంది. ఇది 2027 ఆగస్టు 2న ఏర్పడనుంది. పట్టపగలే ఆకాశంలో సూర్యుడు కనిపించడు. ఆరున్నర నిమిషాల పాటు చీకట్లు అలముకుని, ఉష్ణోగ్రతలు తగ్గి, నక్షత్రాలు కనిపించనున్నాయి. తొలుత అట్లాంటిక్ మహాసముద్రం నుంచి మొదలై స్పెయిన్, మొరాకో, ఈజిప్ట్, పశ్చిమాసియా ప్రాంతాల్లో ఈ సూర్యగ్రహణ కనిపించనుంది. ఈ అరుదైన సంఘటనపై శాస్త్రవేత్తలు పరిశోధనలకు సిద్ధమవుతున్నారు. మళ్లీ ఇలాంటి గ్రహణం 2114లోనే చూడగలరు.

ఈ శతాబ్దపు ఖగోళ అద్భుతం 2027 ఆగస్టులో ఆవిష్కృతం కాబోతుంది. కొన్ని తరాల పాటు గుర్తుంచుకునే ఓ సంఘటన వినువీధిలో జరగనుంది. భూగోళంలోని చాలా ప్రాంతాల్లో ఒక్కసారిగా అంధకారం అలముకోనుంది. పట్ట పగలే చిమ్మచీకట్లు కమ్ముకుని, ఉష్ణోగ్రతలు తగ్గనున్నాయి. రాత్రివేళ కనిపించే నక్షత్రాలు పగటిపూట కనిపించనున్నాయి. ఒకరకంగా చెప్పాలంటే భూగోళం ఆగిపోయిందా? అన్న అనుభూతి కలుగుతంది. ఇలా జరగడం వెనుక ఓ అరుదైన కారణం ఉంది. ఈ శతాబ్దంలోనే అత్యంత సుదీర్ఘ సంపూర్ణ సూర్య గ్రహణం 2027 ఆగస్టు 2న ఏర్పడబోతోంది.

ఈ సూర్య గ్రహణం సంభవించిన ప్రాంతాల్లో మొత్తం 6.23 నిమిషాల పాటు చీకట్లు ఆవరించుకుంటాయి. ఈ 21వ శతాబ్దంలో ఇటువంటి సూర్య గ్రహణం ఏర్పడటం ఇదే మొదటిసారి కానుంది. జిబ్రాల్టర్ జలసంధికి చేరడానికి ముందు అట్లాంటిక్ మహా సముద్రం నుంచి ఈ గ్రహణం మొదలుకానుంది. అక్కడ నుంచి దక్షిణ స్పెయిన్, మొరాకో, అల్జీరియా, ట్యూనిషియా, లిబియా, ఈజిప్ట్, ఆ తర్వాత పశ్చిమాసియా ప్రాంతాలు అంధకారంలోకి వెళ్లనున్నాయి. దాదాపు ఆరున్నర నిమిషాల పాటు సూర్యుడు ఆకాశంలో మాయమవుతాడు. భూమి, సూర్యుడు, చంద్రుడు ఒకే సరళరేఖపైకి వచ్చి.. జాబిల్లి ఛాయ పడి సూర్యుడి కనిపించకుండా పోయినప్పుడు సూర్యగ్రహణం ఏర్పడుతుంది.

దక్షిణ అమెరికాలోని పలు ప్రాంతాలు సహా బ్రెజిల్ కూడా ఈ అద్భుతానికి వేదికకానుంది. ఈ సుధీర్ఘ సూర్య గ్రహణం గురించి ఖగోళ శాస్త్రవేత్తలు స్పందిస్తూ. ‘సంపూర్ణ సూర్య గ్రహణం సాధారణంగా ప్రతీ 18 నెలల కొకసారి సంభవిస్తుంది.. కానీ, 2027లో ఏర్పడబోయే గ్రహణం మాత్రం ఎంతో ప్రత్యేకమైనది. 6.23 నిమిషాల పాటు సంపూర్ణ గ్రహణం కారణంగా ఖగోళ వాతావరణం, ఉష్ణోగ్రత మార్పులు, జంతువుల ప్రవర్తనపై పరిశోధనలకు అవకాశం కలుగుతుంది. ప్రపంచవ్యాప్తంగా ఉన్న ఖగోళ పరిశోధకులు, అంతరిక్ష సంస్థలు దీన్ని ప్రత్యక్ష శాస్త్రీయ ప్రయోగశాలగా మలుచుకోనున్నాయి.. అనేక పరిశోధనలు జరగనున్నాయి’ అని వారు అంటున్నారు.

అయితే, 1991లో ఏర్పడిన సుదీర్ఘ సంపూర్ణ సూర్యగ్రహణం 6.53 నిమిషాలు, గతేడాది ఆగస్టు 8న సంభవించిన సంపూర్ణ సూర్యగ్రహణం 4.28 నిమిషాలు కొనసాగింది. ఇక, 2027 ఆగస్టు 2న తర్వాత మళ్లీ 2114లోనే ఇలాంటి గ్రహణం ఏర్పడుతుంది. సంపూర్ణ గ్రహణానికి దాదాపు 60 నుంచి 80 నిమిషాల ముందు, చంద్రుడు ఛాయలోకి సూర్యుడు క్రమంగా వెళ్తాడు.. ప్రాంతాన్ని బట్టి పూర్తి చీకటి కొన్ని సెకన్ల నుంచి ఆరు నిమిషాల కంటే ఎక్కువ కాలం ఉంటుంది. ఆ తర్వాత సూర్యుడు మరో గంటసేపు పాక్షిక దశలో నెమ్మదిగా తిరిగి కనిపిస్తాడు.

అయితే, ఈ సూర్యగ్రహణం భారతదేశంలో కనిపించదు. తూర్పు ఆసియా, ఆస్ట్రేలియా, మరియు ఇతర కొన్ని ప్రాంతాల్లో కూడా ఈ గ్రహణం కనిపించకపోవచ్చు. కొన్ని చోట్ల కేవలం స్వల్పంగానే కనిపిస్తుంది.